Венгер: Ми се допаѓа Бензема и сакам да го ангажирам

Францускиот фудбалски стратег на клупата на Арсенал, Арсен Венгер, за англиските медиуми призна дека еден ден би сакал да го види Карим Бензема во неговиот состав.

Фудбалскиот репрезентативец на Франција и сонародник на Венгер во моментов се наоѓа во екипата на Реал Мадрид и во текот на штотуку завршената сезона прикажа добра игра, но сеуште не ги оправдал парите дадени за него.

Многумина фудбалери како Бензема кои не успеваат да ја наметнат својата игра во првиот тим на својот клуб почесто се наоѓаат на листата играчи за продажба, но Бензема има желба да остане во Реал Мадрид.

сепак, менаџерот на „топџиите“ е подготвен сериозно да го засили составот за наредната сезона и затоа вели:

„Не е невозможно да се ангажира играч како Бензема. Многу ми се допаѓа неговата игра и навистина имам желба да соработувам со фудбалер како него.“

„Тој игра доста интелигентно и знае како да комбинира на теренот. Исто така е способен за многу индивидуални предизвици и за мене тој е меѓу најдобрите.“ - изјави Венгер.