Пиерсилвио Берлускони: Сонувам за Иниеста во Милан

Росоњерите се во потрага на фудбалер од средниот ред кој оперира по левата страна и медиумите шпекулираат со голем број имиња помеѓу кои Марек Хамшик, Самир Насри, Цеск Фабрегас и Рикардо Монтоливо.

Сепак, Пиерсливио Берлускони, синот на сопственикот на Милан, вели дека сонува за ангажман на Андрес Иниеста.

Во разговор со Corriere dello Sport тој рече: “Доколку зборуваме за сонови, немам проблем да кажам дека мојот сон е Аднрес Иниеста, фудбалер од средниот ред кој игра за да ја освои Златната Топка и е дел од фантастичен тим.“

“Средниот ред на Барселона е извонреден и голема заслуга за тоа треба да му се даде на Иниеста.”

Запрашан за шпекулациите кои го поврзуваат Милан со ангажман на Хамшик, Пиерсилвио рече: “Јас сум смирен, не знам ништо бидејќи Милан веќе е силен и балансиран тим.”

“Секако, не можете да негирате дека Хамшик е фудбалер што ќе донесе додатен квалитет во било која формација бидејќи се работи за фудбалер од средниот ред што може да реши натпревар во секој момент.”

“Кој не би го сакал него?”