Малуда посакува да го продолжи договорот со Челзи

Францускиот интернационалец кој има преку 180 настапи во дресот на Челзи откако дојде од Лион во 2007 има договор со Сините кој му трае уште две сезони.
Малуда импресионираше на почетокот од минатата сезона, но потоа имаше голем пад во формата по кој почна да се поврзува со заминување од Стемфорд Бриџ.
Сепак, 31-годишниот фудбалер уште еднаш потврди дека посакува да остане во Челзи и да го продолжи договорот.
"Имам договор со Челзи до 2013 година" - изјави Малуда за весникот France-Guyane.
"Мојот план е да играм на високо ниво најмалку до 2014 година. Мојата амбиција е да бидам во Челзи до 2014та".
"Откако дојдов во Челзи имав шест тренери. И секој преоден рок се зборуваше за мојата иднина".
"Вилаш Боаш беше дел од стручниот штаб на Жозе Мурињо и веќе работев со него".
"Минатата сезона ја завршив како најдобар стрелец на Челзи во лигата, тоа значи дека станувам подобар, исто така значи дека веројатно сум на вистинското место".