Марчело Липи најави враќање во фудбалот

Марчело Липи реши да земе одмор по неуспехот што го доживеа со Аѕурите на мундијалот во Јужна Африка.

Во разговор за Noi TV сега вели дека есеноска ќе му се врати на фудбалот и цели кон превземање на селекција или клуб надвор од Италија.

“Ќе се вратам на клупата, тоа ќе се случи есеноска и ќе работам во странство.” – рече Липи.

“Нема да одмарам уште една зима и нема да работам во Италија.”

“Сакам искуство од работа во странство без разлика дали тоа ќе биде со национален тим или со клуб.”

Липи потоа додаде: “По искуството во Јужна Африка сакав малку да одморам.”

“Но сега сакам да се вратам на терените.”